ଅପରେଶନ ସିନ୍ଦୂର ପରେ ପାକିସ୍ତାନ ଆନ୍ତର୍ଜାତୀୟ ସ୍ତରରେ ଭାରତ ବିରୋଧରେ ପ୍ରୋପାଗାଣ୍ଡା ଆରମ୍ଭ କରିଛି ଯାହା ଦ୍ଵାରା ସେ ଅପମାନରୁ ରକ୍ଷା ପାଇପାରିବ। ପାକିସ୍ତାନ ଭାରତ ଉପରେ ଅଭିଯୋଗ ଲଗାଇଛି ଯେ ଏୟାର ଷ୍ଟ୍ରାଇକର ଆଳରେ ଭାରତ ମହିଳା, ଶିଶୁ ଏବଂ ମସଜିଦକୁ ନିଶାନା କରିଛି। ପାକିସ୍ତାନ ଆଜି କିଛି ସ୍ଥାନକୁ କଥିତ ଆନ୍ତର୍ଜାତୀୟ ଗଣମାଧ୍ୟମକୁ ମଧ୍ୟ ନେଇଯାଇପାରେ।
ବୁଧବାର ସକାଳେ ଭାରତ ପାକିସ୍ତାନର ସେହି ଅଞ୍ଚଳରେ ମିସାଇଲ ମାଡ଼ କରିଥିଲା, ଯେଉଁଠାରେ ଆତଙ୍କବାଦୀ ପ୍ରଶିକ୍ଷଣ ଶିବିର ଚାଲିଥିଲା। ଏହି ଶିବିରଗୁଡ଼ିକ ମଧ୍ୟରେ ମୁଜଫ୍ଫରାବାଦ, ଅହମଦପୁର, ଇଷ୍ଟ କୋଟଲୀ, ମୁରିଦକେ, ସିୟାଲକୋଟ, ଶକରଗଢ଼ ଆଦି ଅନ୍ତର୍ଭୁକ୍ତ ଥିଲା। ଏଥିରେ ବାହାୱାଲପୁରସ୍ଥିତ ଲସ୍କର-ଏ-ତୈୟବାର ମୁଖ୍ୟାଳୟ ମଧ୍ୟ ଥିବା କୁହାଯାଏ। ପାକିସ୍ତାନର ସେନା ନିଜେ ସ୍ଵୀକାର କରିଛି ଯେ ଗତକାଲି ୬ଟି ସ୍ଥାନରେ ୨୪ଟି ଆକ୍ରମଣ ହୋଇଥିଲା। ପାକିସ୍ତାନର ଦାବି ହେଉଛି ଯେ ଏଥିରେ ୮ ଜଣ ପାକିସ୍ତାନୀ ନିହତ ହୋଇଛନ୍ତି, ୩୫ ଜଣ ଆହତ ହୋଇଛନ୍ତି ଏବଂ ୨ ଜଣ ପାକିସ୍ତାନୀ ନିଖୋଜ ଅଛନ୍ତି।
ଏମିତି ହେବ ବୋଲି ଭାବିନଥିଲା ପାକିସ୍ତାନ
ପାକିସ୍ତାନର ସେନାକୁ ଏହା ଆଶା ନଥିଲା ଯେ ଭାରତ ଏତେ ଦ୍ରୁତ ଗତିରେ ସେମାନଙ୍କର ଆତଙ୍କବାଦୀ ଶିବିର ଉପରେ ଆକ୍ରମଣ କରିବ ଯେ ସେମାନଙ୍କୁ ସମ୍ଭାଳିବାର ସୁଯୋଗ ମିଳିବ ନାହିଁ। ଭାରତ ଦ୍ଵାରା କରାଯାଇଥିବା ଷ୍ଟ୍ରାଇକ ପରେ ଏବେ ପାକିସ୍ତାନର ପୂରା ଚେଷ୍ଟା ହେଉଛି ଯେ କୌଣସି ଉପାୟରେ ଆନ୍ତର୍ଜାତୀୟ ଅପମାନରୁ ରକ୍ଷା ପାଇବ। ତେଣୁ ସେ ଭାରତ ଉପରେ ଏହି ଷ୍ଟ୍ରାଇକରେ ମସଜିଦ, ମହିଳା ଏବଂ ଶିଶୁଙ୍କୁ ନିଶାନା କରାଯାଇଥିବା ପ୍ରୋପାଗାଣ୍ଡା ଆରମ୍ଭ କରିଛି।
ଏବେ ପାକିସ୍ତାନ କ’ଣ କରିବ?
ପାକିସ୍ତାନର ସେନା ଏବଂ ପ୍ରଶାସନ ଆଜି ଏହି କିଛି ସ୍ଥାନକୁ କଥିତ ଆନ୍ତର୍ଜାତୀୟ ଗଣମାଧ୍ୟମକୁ ନେଇଯାଇପାରନ୍ତି। ମଜାଦାର କଥା ହେଉଛି ଯେ ପୂର୍ବରୁ ମଧ୍ୟ ପାକିସ୍ତାନ ସେନା ଆନ୍ତର୍ଜାତୀୟ ଗଣମାଧ୍ୟମକୁ କିଛି ସ୍ଥାନର ପରିଦର୍ଶନ କରାଇଥିଲା ଏବଂ ଦାବି କରିଥିଲା ଯେ ସେଠାରେ କୌଣସି ଆତଙ୍କବାଦୀ ଶିବିର ନାହିଁ। ଆନ୍ତର୍ଜାତୀୟ ସ୍ତରରେ ପାକିସ୍ତାନର ଏହି ଦାବି ଅନ୍ୟ ଦେଶମାନଙ୍କ ମନରେ ଗ୍ରହଣୀୟ ହୋଇନଥିଲା କାରଣ କୌଣସି ଦେଶ ନିଜର ଆତଙ୍କବାଦୀ ଶିବିର ଦେଖାଇବା ପାଇଁ ପରିଦର୍ଶନ କରାଇବ ନାହିଁ। ଯଦି ସେହି ସ୍ଥାନ ଆତଙ୍କବାଦୀ ଶିବିର ପାଇଁ ବଦନାମ ହୋଇଛି, ତେବେ ପରିଦର୍ଶନ କରାଇବା ପୂର୍ବରୁ ସବୁ ଜିନିଷ ହଟାଇ ଦିଆଯିବ। ବର୍ତ୍ତମାନ ପାକିସ୍ତାନ ଆଜି କିଛି ସ୍ଥାନକୁ କଥିତ ଆନ୍ତର୍ଜାତୀୟ ଗଣମାଧ୍୯ମକୁ ନେଇଯାଇପାରେ ଏବଂ ଜୋରେ ପ୍ରଚାର କରିବ ଯେ ମସଜିଦ, ଶିଶୁ ଏବଂ ମହିଳାଙ୍କୁ ନିଶାନା କରାଯାଇଛି।
