ଇନ୍ଦୌର ନିଖୋଜ ଦମ୍ପତି ମାମଲାରେ ବ୍ୟବସାୟୀ ସ୍ୱାମୀ ରାଜା ରଘୁବଂଶୀଙ୍କୁ ତାଙ୍କ ପତ୍ନୀ ସୋନମ ରଘୁବଂଶୀ ଅନ୍ୟ ତିନି ଜଣଙ୍କ ସହ ମିଶି ରାସ୍ତାରୁ ହଟାଇଥିବା ଜଣାପଡ଼ିଛି। ସୋନମଙ୍କର ଇନ୍ଦୌରର ଜଣେ ଯୁବକଙ୍କ ସହ ପ୍ରେମ ସମ୍ପର୍କ ଥିଲା। ଏହି ଯୁବକ ଆଉ ଜଣେ ସାଙ୍ଗଙ୍କ ସହ ମିଶିଥିଲେ, ଏବଂ ତା’ପରେ ସେମାନେ ତୃତୀୟ ହତ୍ୟାକାରୀଙ୍କ ସହ ମିଶି ଶିଲଙ୍ଗର ଉପତ୍ୟକାରେ ଏହି ହତ୍ୟାକାଣ୍ଡ କରାଇଥିବା ପୋଲିସ ଦାବି କରୁଛି। ରାଜା ରଘୁବଂଶୀ ସୋନମ-ରାଜା ପ୍ରେମ ସମ୍ପର୍କର ମଝିରେ ଅଜାଣତରେ ଫସି ଜୀବନ ହାରିଥିବା କୁହାଯାଉଛି ।
ଶାଶୁଘର ବୋହୂ ସୋନମ ରଘୁବଂଶୀଙ୍କ ନିରାପଦେ ଫେରିବା ପାଇଁ ପ୍ରାର୍ଥନା କରୁଥିବା ବେଳେ ଏବେ ବୋହୂ ତାଙ୍କ ପୁଅକୁ ହତ୍ୟା କରିଥିବା କଥାକୁ ସହଜରେ ବିଶ୍ୱାସ କରି ପାରୁନାହାନ୍ତି। ନବବିବାହିତା ସୋନମଙ୍କୁ ରାଜା ରଘୁବଂଶୀଙ୍କ ପରିବାର ନିଜ ଝିଅ ଓ ଲକ୍ଷ୍ମୀ ଭାବୁଥିଲେ, କିନ୍ତୁ ସେ କିଛି ଅଲଗା ବାହାରିଲେ। ସବୁଠାରୁ ବଡ଼ ପ୍ରଶ୍ନ ହେଉଛି, ଯଦି ସୋନମଙ୍କର ଅନ୍ୟ କାହା ସହ ପ୍ରେମ ସମ୍ପର୍କ ଥିଲା, ତେବେ ସେ ପରିବାରକୁ କାହିଁକି କହିଲେ ନାହିଁ? ଅନ୍ୟପଟେ, ମେଘାଳୟ ପୁଲିସ୍ ୧୬ ଦିନ ପରେ ସୋନମ ରଘୁବଂଶୀଙ୍କୁ ଉତ୍ତରପ୍ରଦେଶର ଗାଜୀପୁରରୁ ଗିରଫ କରିଥିଲା । ଗିରଫ ହେବାବେଳେ ସୋନମ୍ କଳା ଟି-ସାର୍ଟ ପିନ୍ଧିଥିଲେ । ତାଙ୍କ ସହ ଆଉ ତିନି ଜଣଙ୍କୁ ମଧ୍ୟ ଗିରଫ କରାଯାଇଛି। ଜଣେ ଅଭିଯୁକ୍ତ ଏବେ ବି ଫେରାର ଅଛନ୍ତି ବୋଲି କୁହାଯାଉଛି।
ସୋନମ କାହିଁକି ପୋଛିଲେ ନିଜ ସିନ୍ଦୂର?
ସୂତ୍ରରୁ ଜଣାପଡ଼ିଛି ଯେ, ସୋନମଙ୍କର ନିଜ ଫ୍ୟାକ୍ଟରୀର ଜଣେ କର୍ମଚାରୀ ରାଜ କୁଶୱାହାଙ୍କ ସହ ପ୍ରେମ ସମ୍ପର୍କ ଥିଲା। ଏହି ଫ୍ୟାକ୍ଟରୀ ସୋନମଙ୍କ ପିତା ଦେବୀ ସିଂହ ରଘୁବଂଶୀଙ୍କର ଥିଲା, ଯେଉଁଠି ସୋନମ ଏଚ୍ଆର୍ ପଦବୀରେ କାର୍ଯ୍ୟ କରୁଥିଲେ। କୁହାଯାଉଛି ଯେ, ରାଜ କୁଶୱାହା ସେହି ମାଇକା ଫ୍ୟାକ୍ଟରୀରେ ମ୍ୟାନେଜର ଭାବେ କାମ କରୁଥିଲେ ଏବଂ ସୋନମଙ୍କ ସହ ତାଙ୍କର ଘନିଷ୍ଠ ସମ୍ପର୍କ ଥିଲା। ସୋନମଙ୍କ ପିତା କହିଛନ୍ତି ଯେ, ଘଟଣାର ମାତ୍ର ଦୁଇ ଦିନ ପୂର୍ବରୁ ରାଜ ଫ୍ୟାକ୍ଟରୀରେ ନିୟମିତ କାମ କରୁଥିଲେ।
ଇନ୍ଦୌର ଓ ଉତ୍ତରପ୍ରଦେଶର ଅଭିଯୁକ୍ତ
ଏହି ମାମଲାରେ ପୁଲିସ୍ ଏପର୍ଯ୍ୟନ୍ତ ତିନି ଅଭିଯୁକ୍ତଙ୍କୁ ଗିରଫ କରିଛି, ଯେଉଁମାନେ ଦୁଇ ଜଣ ଇନ୍ଦୌରରୁ ଓ ଜଣେ ଉତ୍ତରପ୍ରଦେଶରୁ ଧରାପଡ଼ିଛନ୍ତି। ଏକ ଅନ୍ୟ ସନ୍ଦିଗ୍ଧ ଅଭିଯୁକ୍ତ ଏବେ ବି ଫେରାର ଅଛନ୍ତି, ଯାହାଙ୍କୁ ଖୋଜିବା ପାଇଁ ପୁଲିସ୍ ଟିମ୍ ଲଗାତାର ଚେଷ୍ଟା ଜାରି ରଖିଛି।
