ଗତ କିଛି ଦିନ ଧରି ଶେହବାଜ ଶରିଫଙ୍କ ଅବସ୍ଥା ଦୁର୍ବଳ ହେଉଥିବା ଚର୍ଚ୍ଚା ହେଉଛି। ଭାରତ ସହିତ ସୈନିକ ସଂଘର୍ଷରେ ପାକିସ୍ତାନର ଶୋଚନୀୟ ପରାଜୟ ପରେ ଶେହବାଜଙ୍କ ନେତୃତ୍ୱ କ୍ଷମତା ଉପରେ ପ୍ରଶ୍ନ ଉଠୁଛି। ତାଙ୍କୁ ସମାଲୋଚନାର ସାମ୍ନା କରିବାକୁ ପଡ଼ୁଛି ଏବଂ ବିଭିନ୍ନ ବ୍ୟଙ୍ଗାତ୍ମକ ମନ୍ତବ୍ୟ କରାଯାଉଛି। ଏହା ଭିତରେ ତାଙ୍କର ପାଞ୍ଚ ବିବାହକୁ ନେଇ ତାଙ୍କର ମଜା ଉଡାଯାଉଛି । ପାକିସ୍ତାନରେ ସିଏ “ପାଞ୍ଚ ବିବାହର ସ୍ୱାମୀ ପ୍ରଧାନମନ୍ତ୍ରୀ” ଭାବେ ପରିଚିତ ।
ପାଞ୍ଚ ବିବାହର ଚର୍ଚ୍ଚା
ଆଧିକାରିକ ଭାବେ ଶେହବାଜ ତିନୋଟି ବିବାହ କରିଛନ୍ତି, କିନ୍ତୁ ପାକିସ୍ତାନର ଗଣମାଧ୍ୟମ ତାଙ୍କ ନାମକୁ ଅନେକ ମହିଳାଙ୍କ ସହ ଯୋଡ଼ିଛି। ପାକିସ୍ତାନରେ ସେ “ପାଞ୍ଚ ବିବାହର ଶେହବାଜ ଶରିଫ” ଭାବେ ପରିଚିତ। ଏହି ମାମଲାରେ ସେ ପୂର୍ବତନ ପ୍ରଧାନମନ୍ତ୍ରୀ ଇମରାନ ଖାନଙ୍କଠାରୁ ଦୁଇ ପାଦ ଆଗରେ ଅଛନ୍ତି। ଇମରାନ ମାତ୍ର ତିନି ଜଣଙ୍କୁ ବିବାହ କରିଥିବା ବେଳେ ସରିଫ୍ ସରାଫତ ସହିତ ମାତ୍ର ୫ ଜଣଙ୍କୁ ଅଫିସିଆଲି ବାହା ହୋଇଛନ୍ତି ।
ଶେହବାଜଙ୍କ ବୟସ ବର୍ତ୍ତମାନ ୭୩ ବର୍ଷ। ତାଙ୍କର ବଡ଼ ଭାଇ ନୱାଜ ଶରିଫ ମଧ୍ୟ ଦେଶର ପ୍ରଧାନମନ୍ତ୍ରୀ ରହିଛନ୍ତି। କିନ୍ତୁ ଉଭୟଙ୍କ ମଧ୍ୟରେ ବହୁତ ପାର୍ଥକ୍ୟ ଅଛି। ନୱାଜ କେବଳ ଗୋଟିଏ ବିବାହ କରିଥିବା ବେଳେ ଶେହବାଜ ଏହି ମାମଲାରେ ସମ୍ପୂର୍ଣ୍ଣ ଭିନ୍ନ। ସେ କେବଳ ପାଞ୍ଚଟି ବିବାହ କରିନାହାନ୍ତି, ବରଂ ଦୁଇଟି ବିବାହ ଏପରି କରିଥିଲେ ଯେ ତାଙ୍କ ପରିବାର ମଧ୍ୟ ତାଙ୍କ ଉପରେ ରାଗିଯାଇଥିଲେ।
ପ୍ରଥମ ବିବାହ: ନୁସରତ ବଟ
ଶେହବାଜ ଶରିଫ ୧୯୭୩ ମସିହାରେ ତାଙ୍କ ସମ୍ପର୍କୀୟ ନୁସରତ ବଟଙ୍କ ସହ ପ୍ରଥମ ବିବାହ କରିଥିଲେ, ଯେତେବେଳେ ତାଙ୍କୁ ୨୨ ବର୍ଷ ବୟସ ଥିଲା। ଏହି ବିବାହ ତାଙ୍କ ପିତା ଓ ପରିବାରର ପସନ୍ଦ ଥିଲା। ନୁସରତଙ୍କଠାରୁ ତାଙ୍କର ଚାରି ସନ୍ତାନ ହୋଇଥିଲେ: ଦୁଇ ପୁଅ ଓ ଦୁଇ ଯାଆଁଳା ଝିଅ। ନୁସରତ ଏବେ ଶେହବାଜଙ୍କଠାରୁ ଅଲଗା ରହୁଛନ୍ତି। ଦୁଇ ବର୍ଷ ପୂର୍ବେ ଶେହବାଜ ଆର୍ଥିକ ଅନିୟମିତତା ଓ ମନି ଲଣ୍ଡରିଂ ମାମଲାରେ ଫସିଥିଲେ, ଯେଉଁଥିରେ ନୁସରତ ମଧ୍ୟ ଜଡ଼ିତ ହୋଇ ଅଦାଲତରେ ହାଜର ହୋଇଥିଲେ। କୁହାଯାଏ ଯେ ୧୯୯୩ ମସିହାରେ ନୁସରତଙ୍କ ସହ ତାଙ୍କର ଛାଡ଼ପତ୍ର ହୋଇଥିଲା।
ଦ୍ୱିତୀୟ ବିବାହ: ଆଲିଆ ହନି
ଶେହବାଜ ପାକିସ୍ତାନରେ ଜଣେ ରୋମାଣ୍ଟିକ ରାଜନେତା ଭାବେ ପରିଚିତ। ତାଙ୍କର ଦ୍ୱିତୀୟ ବିବାହ ପାକିସ୍ତାନୀ ମଡେଲ ଆଲିଆ ହନିଙ୍କ ସହ ୧୯୯୩ ମସିହାରେ ହୋଇଥିଲା। ଏହି ବିବାହରେ ତାଙ୍କ ପିତା ମିଆଁ ଶରିଫ ବହୁତ ରାଗିଥିଲେ। ଆଲିଆ ସେତେବେଳେ ଜଣେ ଉଦୀୟମାନ ଯୁବ ଓ ସୁନ୍ଦରୀ ମଡେଲ ଥିଲେ। ଶେହବାଜଙ୍କ ସହ ତାଙ୍କର ରୋମାନ୍ସ ହୋଇ ଗୁପ୍ତ ଭାବେ ବିବାହ ହୋଇଥିଲା।
ହନି ବ୍ରିଜ କାହାଣୀ
ଏହି ସମ୍ପର୍କକୁ ନେଇ ଏକ କାହାଣୀ ମଧ୍ୟ ଚର୍ଚ୍ଚାରେ ରହିଛି। ଶେହବାଜ ଯେତେବେଳେ ପଞ୍ଜାବର ମୁଖ୍ୟମନ୍ତ୍ରୀ ଥିଲେ, ସେ ଆଲିଆଙ୍କ ଘରକୁ ଯିବା ପାଇଁ “କେଭାଲରୀ” ନାମକ ଏକ ନୂଆ ପୋଲ ନିର୍ମାଣ କରିଥିଲେ, ଯାହାକୁ “ହନି ବ୍ରିଜ” ନାମ ଦିଆଯାଇଥିଲା। ୧୯୯୯ ମସିହାରେ ପାକିସ୍ତାନରେ ସାମରିକ ବିଦ୍ରୋହ ପରେ ଶେହବାଜ ସଉଦି ଆରବକୁ ନିର୍ବାସନରେ ଯାଇଥିଲେ, ଯେତେବେଳେ ଆଲିଆ ମଧ୍ୟ ତାଙ୍କ ସହ ଥିଲେ। କିନ୍ତୁ ପରେ ଉଭୟଙ୍କର ଛାଡ଼ପତ୍ର ହୋଇଥିଲା ଏବଂ କିଛି ମାସ ପରେ ଆଲିଆଙ୍କର ସନ୍ଦେହଜନକ ପରିସ୍ଥିତିରେ ମୃତ୍ୟୁ ହୋଇଥିଲା।
ତୃତୀୟ ବିବାହ: ନର୍ଗିସ ଖୋସା
କୁହାଯାଏ ଯେ ଆଲିଆଙ୍କ ସହ ବିବାହ ସମୟରେ ଶେହବାଜ ଗୁପ୍ତ ଭାବେ ନର୍ଗିସ ଖୋସାଙ୍କ ସହ ମଧ୍ୟ ବିବାହ କରିଥିଲେ। ନର୍ଗିସ ପାକିସ୍ତାନର ଫେଡେରାଲ ଇନଭେଷ୍ଟିଗେଟିଭ ଏଜେନ୍ସିର ଡାଇରେକ୍ଟର ଜେନେରାଲ ତାରିକ ଖୋସାଙ୍କ ଭଉଣୀ ଥିଲେ। ଶରିଫ ପରିବାର ଏହି ବିବାହକୁ ସମ୍ପୂର୍ଣ୍ଣ ଅସ୍ୱୀକାର କରିଥିଲା। ଏହା ଯେତେ ଗୁପ୍ତ ଭାବେ ହୋଇଥିଲା, ସେତେ ଗୁପ୍ତ ଭାବେ ଶେଷ ହୋଇଥିଲା। ଆଉ ଏକ ବିବାହ ସେ କରିଥିବା କୁହାଯାଏ, କିନ୍ତୁ ଏହା ବିଷୟରେ ଅଧିକ ତଥ୍ୟ ମିଳେ ନାହିଁ।
ଚତୁର୍ଥ ବିବାହ: ତେହମିନା ଦୁର୍ରାନୀ
୨୦୦୩ ମସିହାରେ ଶେହବାଜ ଗୁପ୍ତ ଭାବେ ତେହମିନା ଦୁର୍ରାନୀଙ୍କ ସହ ବିବାହ କରିଥିଲେ, ଯିଏ “ମାଇ ଫ୍ୟୁଡାଲ ଲର୍ଡ” ପୁସ୍ତକ ଲେଖି ପାକିସ୍ତାନରେ ଚର୍ଚ୍ଚିତ ହୋଇଥିଲେ। କୁହାଯାଏ ଯେ ତାଙ୍କର ରୋମାନ୍ସ ପ୍ରାୟ ୮ ବର୍ଷ ଚାଲିଥିଲା। ଏହି ବିବାହ ବିଷୟରେ ତାଙ୍କ ପରିବାର କିମ୍ବା ଦଳୀୟ ନେତାମାନେ ଜାଣି ନଥିଲେ। ବିବାହ ପରେ ଦୁବାଇରେ ଏକ ବିଶାଳ ପାର୍ଟି ଆୟୋଜନ କରାଯାଇଥିଲା, ଯେତେବେଳେ ଲୋକେ ଏହା ବିଷୟରେ ଜାଣିଥିଲେ।
ତେହମିନାଙ୍କ ଜୀବନୀ
ତେହମିନା ଏବେ ଶେହବାଜଙ୍କ ପତ୍ନୀ ଏବଂ ପାକିସ୍ତାନର ପ୍ରଥମ ମହିଳା ହେବାର ସୌଭାଗ୍ୟ ପାଇବେ। ତାଙ୍କ ପିତା ଶାହକୁର ଉଲ୍ଲା ଦୁର୍ରାନୀ ପାକିସ୍ତାନର ରିଜର୍ଭ ବ୍ୟାଙ୍କର ଗଭର୍ଣ୍ଣର ଏବଂ ପାକିସ୍ତାନ ଇଣ୍ଟରନ୍ୟାସନାଲ ଏୟାରଲାଇନ୍ସର ମୁଖ୍ୟ ଥିଲେ। ତେହମିନା ଏକ ବଡ଼ ଜମିଦାର ପରିବାରରୁ ଆସିଥିଲେ ଏବଂ ଐଶ୍ୱର୍ଯ୍ୟ ମଧ୍ୟରେ ବଢ଼ିଥିଲେ।
ତେହମିନାଙ୍କ ପୂର୍ବ ବିବାହ
୧୭ ବର୍ଷ ବୟସରେ ତେହମିନା ଆନିସ ଖାନଙ୍କ ସହ ପ୍ରେମ ବିବାହ କରିଥିଲେ, ଯାହା ପରିବାରର ବିରୋଧ ସତ୍ତ୍ୱେ ହୋଇଥିଲା। ଏହାଦ୍ୱାରା ତାଙ୍କର ଜଣେ ଝିଅ ହୋଇଥିଲା, କିନ୍ତୁ କିଛି ବର୍ଷ ପରେ ଛାଡ଼ପତ୍ର ହୋଇଥିଲା। ପରେ ସେ ପଞ୍ଜାବର ପ୍ରମୁଖ ନେତା ଗୁଲାମ ମୁସ୍ତଫା ଖାରଙ୍କ ସହ ବିବାହ କରିଥିଲେ, ଯିଏ ପୂର୍ବରୁ ଅନେକ ବିବାହ କରିଥିଲେ। ଏହି ବିବାହରୁ ତାଙ୍କର ଚାରି ସନ୍ତାନ ହୋଇଥିଲେ। ଏହା ୧୪ ବର୍ଷ ଚାଲିଥିଲା, କିନ୍ତୁ ତାଙ୍କ ପୁସ୍ତକରେ ସେ ଲେଖିଥିଲେ ଯେ ମୁସ୍ତଫା ତାଙ୍କୁ ନିର୍ଯାତନା ଦେଉଥିଲେ ଏବଂ ଅନ୍ୟ ମହିଳାଙ୍କ ସହ ସମ୍ପର୍କ ରଖୁଥିଲେ।
“ମାଇ ଫ୍ୟୁଡାଲ ଲର୍ଡ” ପୁସ୍ତକ
ତେହମିନାଙ୍କ ଆତ୍ମଜୀବନୀ “ମାଇ ଫ୍ୟୁଡାଲ ଲର୍ଡ” ପାକିସ୍ତାନର ଜମିଦାର ରାଜନେତାଙ୍କର ଅବୈଧ ସମ୍ପର୍କ ଓ ଦୁର୍ନୀତିକୁ ଉନ୍ମୋଚନ କରିଥିଲା। ସେ ଲେଖିଥିଲେ ଯେ ମୁସ୍ତଫା ତାଙ୍କୁ ଜୁଲ୍ଫିକାର ଅଲ୍ଲୀ ଭୁଟ୍ଟୋଙ୍କ ସହ ଶୋଇବାକୁ କହିଥିଲେ । ଏହି ପୁସ୍ତକ ୮ଟି ଭାଷାରେ ଅନୁବାଦ ହୋଇଥିଲା ଏବଂ ପାକିସ୍ତାନରେ ତୀବ୍ର ବିବାଦ ସୃଷ୍ଟି କରିଥିଲା। ୧୯୯୧ ମସିହାରେ ପ୍ରକାଶିତ ଏହି ପୁସ୍ତକକୁ ପ୍ରଥମେ ପାକିସ୍ତାନରେ ନିଷିଦ୍ଧ କରାଯାଇଥିଲା, କିନ୍ତୁ ପରେ ନିଷେଧାଜ୍ଞା ଉଠିଯାଇଥିଲା। ଏହି ପୁସ୍ତକ ଯୋଗୁଁ ତେହମିନାଙ୍କ ପରିବାର ତାଙ୍କ ସହ ସମ୍ପର୍କ ଛିନ୍ନ କରିଥିଲେ।
ପଞ୍ଚମ ବିବାହ: କୁଲସୁମ
କୁହାଯାଏ ଯେ ଶେହବାଜ ୨୦୧୨ ମସିହାରେ କୁଲସୁମ ନାମକ ଜଣେ ସରକାରୀ ଅଧିକାରୀଙ୍କ ସହ ଗୁପ୍ତ ବିବାହ କରିଥିଲେ, କିନ୍ତୁ ଶୀଘ୍ର ଛାଡ଼ପତ୍ର ହୋଇଥିଲା। ଏହା ବ୍ୟତୀତ ଶେହବାଜଙ୍କ ଅନ୍ୟ ସମ୍ପର୍କଗୁଡ଼ିକ ମଧ୍ୟ ପାକିସ୍ତାନରେ ଚର୍ଚ୍ଚାର ବିଷୟ ହୋଇଥାଏ। ଶରିଫ ପରିବାର ତାଙ୍କର ଏହି ଅଭ୍ୟାସରେ ସନ୍ତୁଷ୍ଟ ନୁହେଁ, ଏବଂ ଏହାକୁ ନେଇ ପରିବାରରେ ଅନେକ ଥର ଉତ୍ତେଜନା ସୃଷ୍ଟି ହୋଇଛି। ଏବେ ଯେତେବେଳେ ପାକିସ୍ତାନର ରାଜନୀତିରେ ତାଙ୍କ ଅବସ୍ଥା ଖରାପ, ତାଙ୍କର ଅଜଣା ପ୍ରେମ କାହାଣୀ ଓ ବିବାହଗୁଡ଼ିକ ପୁଣି ଥରେ ପାକିସ୍ତାନରେ ବ୍ୟଙ୍ଗର ବିଷୟ ହୋଇଛି।
