ଇସ୍ରାଏଲ ଇରାକୁ ଯୁଦ୍ଧର ଟ୍ରେଲର ଦେଖାଇଛି। ଇସ୍ରାଏଲ 200 ଫାଇଟର ଜେଟ୍ ସହ ଇରାନକୁ ଧୂଆଁ ଧୂଆଁ କରିଦେଇଛି। ଇସ୍ରାଏଲୀ ଆକ୍ରମଣରେ ଇରାନର ସେନାମୁଖ୍ୟ ଏବଂ ଆଇଆରସିଜି ମୁଖ୍ୟ ନିହତ ହୋଇଛନ୍ତି। ଏହା ସହିତ 6 ଜଣ ପରମାଣୁ ବୈଜ୍ଞାନିକଙ୍କୁ ମଧ୍ୟ ମୃତ୍ୟୁମୁଖରେ ପକାଇ ଦିଆଯାଇଛି। ଇରାନର ପରମାଣୁ ସ୍ଥାନଗୁଡ଼ିକୁ ମଧ୍ୟ ଇଜରାଏଲ ଧ୍ୱଂସ କରିଦେଇଛି। ନତାଞ୍ଜ ପରମାଣୁ ସ୍ଥାନ ମଧ୍ୟ ନଷ୍ଟ ହୋଇଯାଇଛି। ଏଠାରେ ଏବେ ମଧ୍ୟ ଇଜରାଏଲର ଆକ୍ରମଣ ଜାରି ରହିଛି। ଏବେ ପ୍ରଶ୍ନ ହେଉଛି ଇଜରାଏଲ କେଉଁ ଅସ୍ତ୍ର ସାହାଯ୍ୟରେ ଇରାନର ମେରୁଦଣ୍ଡ ଭାଙ୍ଗିଲା। ବାସ୍ତବରେ, ଇଜରାଏଲ ଯେଉଁ ଫାଇଟର ଜେଟ୍ ବ୍ୟବହାର କରିଛି, ତାହା ଟ୍ରେଲର ମାତ୍ର।
ହଁ, ଆମେ କହୁଛୁ F-16 ଫାଇଟର ଜେଟ୍ ବିଷୟରେ। ଆଇଡିଏଫ୍ କହିଛି ଯେ ଇସ୍ରାଏଲ F-16 ଫାଇଟର ଜେଟ୍ ବ୍ୟବହାର କରି ଇରାନକୁ ଧ୍ୱଂସ କରିଛି। ଇଜରାଏଲ ଇରାନର ନତାଞ୍ଜ ପରମାଣୁ ସ୍ଥାନରେ ଆକ୍ରମଣ ପାଇଁ 200 F-16 ଫାଇଟର ଜେଟ୍ ବ୍ୟବହାର କରିଛି। ଇରାନରେ ଯେତେ ଧ୍ୱଂସ ହୋଇଛି, ତା’ ପାଇଁ କେବଳ ଏହି F-16 ଫାଇଟର ଜେଟ୍ ହିଁ ଦାୟୀ। F-16 କୁ ଫାଇଟିଂ ଫାଲକନ ନାମରେ ମଧ୍ୟ ଜଣାଯାଏ। ଏହା ଆମେରିକୀୟ ଫାଇଟର ଜେଟ୍। ଏହାକୁ Lockheed Martin କମ୍ପାନୀ ନିର୍ମାଣ କରିଛି। ଏହି ଫାଇଟର ଜେଟ୍ଗୁଡ଼ିକ ନିର୍ଭୁଲତା, 2400 କିମି/ଘଣ୍ଟା ଗତି ଏବଂ ଲେଜର-ଗାଇଡେଡ୍ ମିସାଇଲ କ୍ଷମତା ପାଇଁ ପ୍ରସିଦ୍ଧ। ଅନ୍ୟ ଶବ୍ଦରେ କହିଲେ, F-16 ହେଉଛି F-35 ର ପୁଅ। ଇଜରାଏଲ ଏପର୍ଯ୍ୟନ୍ତ ବାପା ଅର୍ଥାତ୍ F-35 ବ୍ୟବହାର କରିନାହିଁ।
ଯେହେତୁ ଇସ୍ରାଏଲୀ ବାୟୁସେନା ଏହି F-16 ଜେଟ୍ଗୁଡ଼ିକୁ ଉନ୍ନତ ରାଡାର ଏବଂ ଇଲେକ୍ଟ୍ରୋନିକ୍ ଯୁଦ୍ଧ ପ୍ରଣାଳୀ ସହ ଅପଗ୍ରେଡ୍ କରିଛି, ତେଣୁ ଏଗୁଡ଼ିକ ଶତ୍ରୁର ରାଡାରକୁ ଚକମା ଦେଇପାରୁଛି। ଇସ୍ରାଏଲୀ ଆକ୍ରମଣରେ F-16 ଅତ୍ୟନ୍ତ ନିର୍ଭୁଲତା ସହ ନତାଞ୍ଜ ପରମାଣୁ ସୁବିଧାକୁ ଧ୍ୱଂସ କରିଛି। ଏହା ଦ୍ୱାରା ଇରାନର ପରମାଣୁ କାର୍ଯ୍ୟକ୍ରମକୁ ବହୁତ କ୍ଷତି ପହଞ୍ଚିଛି। ଏହିପରି ଦେଖିଲେ F-16 ଇରାନ ପାଇଁ କାଳ ସାବ୍ୟସ୍ତ ହୋଇଛି। F-16 ଚତୁର୍ଥ ଶ୍ରେଣୀର ଫାଇଟର ଜେଟ୍। ଏଠାରେ କହି ରଖୁଛୁ ଯେ ଏହା ଆମେରିକୀୟ ଫାଇଟର ଜେଟ୍ ଏବଂ ପାକିସ୍ତାନ ପାଖରେ ମଧ୍ୟ ଅଛି। ପାକିସ୍ତାନ ମଧ୍ୟ ଏହାର ଦମରେ ଡେଇଁ ପଡ଼ୁଛି। କିନ୍ତୁ ଅପରେସନ ସିନ୍ଦୁର ସମୟରେ ଭାରତର ରାଫେଲ ସାମ୍ନାରେ ଏହି ଫାଇଟର ଜେଟ୍ ବାମନ ସାବ୍ୟସ୍ତ ହୋଇଥିଲା।
F-16 ଦ୍ୱାରା ହିଁ ଧ୍ୱଂସ
F-16 ଏକ ଚତୁର୍ଥ ପିଢ଼ିର ମଲ୍ଟି-ରୋଲ ଫାଇଟର ଜେଟ୍। ଏହାକୁ 1970 ଦଶକରେ ବିକଶିତ କରାଯାଇଥିଲା। ଅନ୍ୟପକ୍ଷରେ F-35 ପଞ୍ଚମ ପିଢ଼ିର ଷ୍ଟେଲ୍ଥ ଫାଇଟର ଜେଟ୍, ଯାହା ନବୀନତମ ଟେକ୍ନୋଲୋଜିରେ ସଜ୍ଜିତ। ତେବେ ଆସନ୍ତୁ ଜାଣିବା F-35 କିପରି F-16 ଠାରୁ ଅଧିକ ଉନ୍ନତ?
- ଷ୍ଟେଲ୍ଥ ଟେକ୍ନୋଲୋଜି (ରାଡାରରୁ ଅଦୃଶ୍ୟତା): F-35 ର ସବୁଠାରୁ ବଡ଼ ଶକ୍ତି ହେଉଛି ଏହାର ଷ୍ଟେଲ୍ଥ ଡିଜାଇନ, ଯାହା ଏହାକୁ ରାଡାରରେ ଦେଖାଯାଏ ନାହିଁ। କିନ୍ତୁ F-16 କୁ ଶତ୍ରୁର ରାଡାର ସହଜରେ ଟ୍ରାକ୍ କରିପାରେ।
- ସେନ୍ସର ଫ୍ୟୁଜନ ଏବଂ ଆର୍ଟିଫିସିଆଲ ଇଣ୍ଟେଲିଜେନ୍ସ: F-35 ରେ ଉନ୍ନତ ସେନ୍ସର ଲାଗିଛି ଯାହା ରିଅଲ-ଟାଇମରେ ସମସ୍ତ ଡାଟାକୁ ଯୋଡ଼ି ପାଇଲଟଙ୍କୁ 360 ଡିଗ୍ରୀ ସୂଚନା ଦେଇଥାଏ। F-16 ରେ ଏହି ସୁବିଧା ସୀମିତ।
- ଡଗଫାଇଟ + ଗ୍ରାଉଣ୍ଡ ଆକ୍ରମଣରେ ନିପୁଣ: F-35 ଏକ ମଲ୍ଟି-ରୋଲ ଫାଇଟର, ଯାହା ଆକାଶରେ ଲଢ଼େଇ ସହ ଭୂପୃଷ୍ଠ ଆଡ୍ଡାଗୁଡିକ ଉପରେ ନିର୍ଭୁଲ ଆକ୍ରମଣ କରିପାରେ। ଏଥିରେ AIM-9X, JDAM ପରି ସ୍ମାର୍ଟ ମିସାଇଲ ଲାଗିଥାଏ।
- ଇଲେକ୍ଟ୍ରନିକ ଯୁଦ୍ଧ କ୍ଷମତା: F-35 ଶତ୍ରୁର ରେଡିଓ, ରାଡାର ଏବବଂ ଯୋଗାଯୋଗକୁ ବ୍ଲକ କିମ୍ୱା ହ୍ୟକ୍ କରିପାରେ। F-16 ରେ ଏତେ ଉନ୍ନତ କ୍ଷମତା ନାହିଁ।
- କମ ରକ୍ଷଣାବେକ୍ଷଣ, ଅଧିକ ଅଟୋମେସନ: F-35 ରେ ସ୍ବଚାଳିତ ହେଲ୍ଥ ଚେକ ସିଷ୍ଟମ ରହିଛି, ଯାହା ଏହାର ରକ୍ଷଣାବେକ୍ଷଣରେ ସମୟ ଓ ଖର୍ଚ୍ଚ ବଂଚାଇଥାଏ।
F-35 ବ୍ୟବହାର ମାନେ ଇରାନ ସମାପ୍ତ?
ମୋଟାମୋଟି କଥା ହେଉଛି ଇସ୍ରାଏଲ F-16 ବ୍ୟବହାର କରି ଇରାନକୁ ଟ୍ରେଲର ଦେଖାଇଛି। ଆଗକୁ ଯଦି ଇସ୍ରାଏଲ,ଇରାନ ବିରୋଧରେ ଏଫ୍-35 ବ୍ୟବହାର କରେ,ତେବେ ଇରାନ ପାଇଁ ବିପଦର କାରଣ ହେବ। କାରଣ ଇରାନ ପାଖରେ ଇସ୍ରାଏଲୀ ବାୟୁ ଆକ୍ରମଣକୁ ରୋକିବା କାଠିକର ପାଠ ହୋଇଯିବ।
ଇସ୍ରାଏଲୀ ଆକ୍ରମଣରେ ନିହତ ପ୍ରମ୍ମୁଖ ଇରାନୀ ବ୍ୟକ୍ତି
- ହୁସେନ ସାଲାମୀ (ଆଇଆରଜିସି କମାଣ୍ଡର-ଇନ-ଚିଫ)
- ଘୋଲାମ-ଆଲୀ ରଶିଦ (ସଶସ୍ତ୍ର ବାହିନୀର ରଣନୀତିକ କମାଣ୍ଡର)
- ଡକ୍ଟର ତେହରାନୀ (ପରମାଣୁ ଅସ୍ତ୍ର ବିକାଶ ଯୋଜନାରେ ପ୍ରକଳ୍ପ ନିରୀକ୍ଷକ ଏବଂ ପରମାଣୁ ବିସ୍ଫୋରଣ ପରୀକ୍ଷଣ ଆଧାରିତ ଉପ-ପ୍ରକଳ୍ପ 3/30ର ପ୍ରକଳ୍ପ ନିରୀକ୍ଷକ। ସେ ଇରାନର ଶୀର୍ଷ ପରମାଣୁ ବୈଜ୍ଞାନିକଙ୍କ ମଧ୍ୟରୁ ଜଣେ ଥିଲେ।)
- ଫେରେଦୁନ ଅବାସୀ (ଇରାନର ପରମାଣୁ ଶକ୍ତି ସଂଗଠନର ପୂର୍ବତନ ମୁଖ୍ୟ)
