ଗୋଟିଏ ଦେଶର ସାମରିକ ଶକ୍ତିକୁ ସୁଦୃଢ଼ କରିବା ପାଇଁ, ବାୟୁସେନାକୁ ସୁଦୃଢ଼ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଭାରତ ଏହି ଦିଗରେ ନିରନ୍ତର କାର୍ଯ୍ୟ କରୁଛି ଏବଂ ଏହା ବେଙ୍ଗାଲୁରୁରେ ଅନୁଷ୍ଠିତ ଏରୋ ଇଣ୍ଡିଆରେ ମଧ୍ୟ ଦେଖାଯାଇଥିଲା। ଭାରତୀୟ ବାୟୁସେନାର ଅନେକ ଲଢ଼ୁଆ ବିମାନ ଏରୋ ଇଣ୍ଡିଆରେ ପହଞ୍ଚିଥିବା ବେଳେ, ଆମେରିକା ଏବଂ ରୁଷର ପଞ୍ଚମ ପିଢ଼ିର ଲଢ଼ୁଆ ବିମାନଙ୍କୁ ମଧ୍ୟ ସେଠାରେ ଦେଖାଯାଇଥିଲା। ଆଜି ଆମେ ଆପଣଙ୍କୁ କହିବୁ ଯେ ବର୍ତ୍ତମାନ କେଉଁ କେଉଁ ଦେଶମାନଙ୍କ ପାଖରେ ୫ମ ପିଢ଼ିର ଯୁଦ୍ଧ ବିମାନ ଅଛି ଓ ସବୁଠାରୁ ମାରକ ପଞ୍ଚମ ପିଢୀର ଲଢୁଆ ବିମାନର ନାମ କ’ଣ ?
ଏରୋ ଇଣ୍ଡିଆ
ଭାରତର ବେଙ୍ଗାଲୁରୁରେ ଅନୁଷ୍ଠିତ ଏରୋ ଇଣ୍ଡିଆ ୨୦୨୫ରେ ଭାରତୀୟ ବାୟୁସେନା ନିଜର ଶକ୍ତି ପ୍ରଦର୍ଶନ କରିଛି। ଗତ ଶନିବାର, ଏରୋ ଇଣ୍ଡିଆ ୨୦୨୫ର ଶେଷ ଦିନରେ, ବେଙ୍ଗାଲୁରୁର ୟେଲାହାଙ୍କା ବାୟୁସେନା ଷ୍ଟେସନରେ ଏକ ଚମତ୍କାର ଏୟାର ଶୋ ଅନୁଷ୍ଠିତ ହୋଇଥିଲା। ଯେଉଁଥିରେ ରୁଷ ଏବଂ ଆମେରିକୀୟ ପଞ୍ଚମ ପିଢ଼ିର ଯୁଦ୍ଧ ବିମାନ ମଧ୍ୟ ନିଜ ଶକ୍ତି ପ୍ରଦର୍ଶନ କରିଥଇଲେ । ଆପଣଙ୍କୁ କହିରଖୁଛୁ ଯେ ଏହି ଶୋ’ରେ ଆମେରିକାର ପଞ୍ଚମ ପିଢ଼ିର ଲଢ଼ୁଆ ବିମାନ F-୩୫ ମଧ୍ୟ ଏୟାର ସୋ’କୁ ଆସିଥିଲା । ଅନ୍ୟପକ୍ଷରେ ରୁଷ ତାର ପଞ୍ଚମ ପିଢ଼ିର ଲଢ଼ୁଆ ବିମାନ SU-୫୭ ସହିତ ନିଜର ଉପସ୍ଥିତି ଦର୍ଜ କରିଥିଲା । ସୂଚନା ଅନୁଯାୟୀ, ଏବେ ଆମେରିକା ଏବଂ ରୁଷ ଉଭୟ ଭାରତକୁ ସେମାନଙ୍କର ପଞ୍ଚମ ପିଢ଼ିର ବିମାନ ପ୍ରଦାନ କରିବାକୁ ଚାହୁଁଛନ୍ତି।
ପଞ୍ଚମ ପିଢ଼ିର ଯୁଦ୍ଧ ବିମାନ
ଆପଣଙ୍କୁ କହିରଖୁଛୁ ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆମେରିକା ଗସ୍ତ ପରେ, F-୩୫ ଲଢ଼ୁଆ ବିମାନ ବିଷୟରେ ଆଲୋଚନା ଜୋର ଧରିଛି। କେବଳ ଏତିକି ନୁହେଁ, ପ୍ରଧାନମନ୍ତ୍ରୀ ମୋଦିଙ୍କୁ ଭେଟିବା ପରେ, ସାମ୍ବାଦିକ ସମ୍ମିଳନୀରେ ଟ୍ରମ୍ପ ଏହା ଉଲ୍ଲେଖ କରି କହିଥିଲେ ଯେ ଆମେ ଭାରତକୁ ଅସ୍ତ୍ରଶସ୍ତ୍ର ବିକ୍ରୟ ବୃଦ୍ଧି କରୁଛୁ। ଆପଣଙ୍କୁ କହି ରଖୁଛୁ ଯେ F-୩୫ ହେଉଛି ଆମେରିକାର ପଞ୍ଚମ ପିଢ଼ିର ଯୁଦ୍ଧ ବିମାନ, ଏହାକୁ ଲକହିଡ୍ ମାର୍ଟିନ୍ କମ୍ପାନୀ ଦ୍ୱାରା ତିଆରି କରାଯାଇଛି। ଏହି ବିମାନ ନିର୍ମାଣ କରିବାକୁ ବହୁତ ସମୟ ଲାଗିଥିଲା, କାରଣ ଏହି ବିମାନର ନିର୍ମାଣ ୨୦୦୬ ମସିହାରେ ଆରମ୍ଭ ହୋଇଥିଲା। କିନ୍ତୁ ସେ ୨୦୧୫ ମସିହାରେ ଆମେରିକୀୟ ବାୟୁସେନାରେ ସାମିଲ ହୋଇଥିଲା । କେବଳ ଏତିକି ନୁହେଁ, ଏହା ସବୁଠାରୁ ମହଙ୍ଗା ବିମାନ ମଧ୍ୟ। ଆମେରିକା ଗୋଟିଏ F-୩୫ ଲଢ଼ୁଆ ବିମାନ ପାଇଁ ହାରାହାରି ୮୨ ନିୟୁତ ଡଲାର (ପ୍ରାୟ ୭୧୫ କୋଟି ଟଙ୍କା) ଖର୍ଚ୍ଚ କରେ।
କେଉଁ ଦେଶମାନଙ୍କ ପାଖରେ ପଞ୍ଚମ ପିଢ଼ିର ଜେଟ୍ ଅଛି?
ଏବେ ପ୍ରଶ୍ନ ହେଉଛି କେଉଁ ଦେଶମାନଙ୍କ ପାଖରେ ପଞ୍ଚମ ପିଢ଼ିର ଯୁଦ୍ଧ ବିମାନ ଅଛି? ସୂଚନା ଅନୁଯାୟୀ, ବର୍ତ୍ତମାନ ବିଶ୍ୱରେ କେବଳ ଆମେରିକା, ରୁଷ ଏବଂ ଚୀନ୍ ପାଖରେ ୫ମ ପିଢ଼ିର ଲଢ଼ୁଆ ବିମାନ ଅଛି। ଆପଣଙ୍କୁ କହିରଖୁଛୁ ଯେ ଯଦି ଭାରତ ଆମେରିକାର F-35A କିଣିବ, ତେବେ ଏହା ପ୍ରଥମ ଥର ହେବ ଯେତେବେଳେ ଭାରତ ନିଜ ଫ୍ଲିଟରେ ଏକ ଆମେରିକୀୟ ଲଢ଼ୁଆ ବିମାନକୁ ସାମିଲ କରିବ। କାରଣ ଭାରତ ପାଖରେ ଏବେ ଗୋଟିଏ ବି ଆମେରିକୀୟ ଯୁଦ୍ଧ ବିମାନ ନାହିଁ। ତଥାପି, ଏହା ବ୍ୟତୀତ, ଭାରତ ନିଜେ ମଧ୍ୟ ପଞ୍ଚମ ପିଢ଼ିର ଯୁଦ୍ଧ ବିମାନ ତିଆରି କରୁଛି, ଯେଉଁଥିରେ ଦୁଇରୁ ତିନି ବର୍ଷ ସମୟ ଲାଗିବ।
