ଅହମ୍ମଦାବାଦରେ ଏୟାର ଇଣ୍ଡିଆ ବିମାନ ଦୁର୍ଘଟଣାଗ୍ରସ୍ତ,ସମସ୍ତ ଯାତ୍ରୀ ମୃତ ଆଶଙ୍କା

ଗୁଜରାଟର ଅହମଦାବାଦରେ ଏକ ବଡ଼ ଦୁର୍ଘଟଣା ଘଟିଛି। ଅହମଦାବାଦ ବିମାନବନ୍ଦର ନିକଟରେ ଏୟାର ଇଣ୍ଡିଆର ଏକ ବିମାନ ଦୁର୍ଘଟଣାଗ୍ରସ୍ତ ହୋଇଛି। ଏହି ଘଟଣା ମେଘାନୀନଗର ନିକଟସ୍ଥ ଅଡାନୀ ବିମାନବନ୍ଦର ପରିସରରେ ଘଟିଛି। ଦୁର୍ଘଟଣା ପରେ ସେଠାରୁ ଧୂଆଁ ଉଠୁଥିବା ଦେଖାଯାଇଛି। ଏପର୍ଯ୍ୟନ୍ତ ଦୁର୍ଘଟଣାର କାରଣ ଜଣାପଡ଼ିନାହିଁ। ଉଦ୍ଧାର ଦଳ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟରେ ନିୟୋଜିତ ହୋଇଛନ୍ତି। ପ୍ରତ୍ୟକ୍ଷଦର୍ଶୀମାନେ କହିଛନ୍ତି ଯେ ଧୂଆଁ ଅଡାନୀ ବିମାନବନ୍ଦର ପରିସରରୁ ବାହାରୁଛି। ଅନ୍ୟପକ୍ଷରେ, କେନ୍ଦ୍ର ଗୃହମନ୍ତ୍ରୀ ଅମିତ ଶାହା ବିମାନ ଦୁର୍ଘଟଣା ଘଟଣା ସମ୍ପର୍କରେ ଗୁଜରାଟର ମୁଖ୍ୟମନ୍ତ୍ରୀ, ଗୃହମନ୍ତ୍ରୀ ଏବଂ ପୁଲିସ କମିଶନରଙ୍କ ସହ କଥାବାର୍ତ୍ତା କରିଛନ୍ତି।

ଲଣ୍ଡନ ଅଭିମୁଖେ ଯାଉଥିଲା ଏୟାର ଇଣ୍ଡିଆର ଫ୍ଲାଇଟ

ଗୁଜରାଟ ରାଜ୍ୟ ପୁଲିସ ନିୟନ୍ତ୍ରଣ କକ୍ଷ ଅନୁଯାୟୀ, ଗୁରୁବାର ଦିନ ସରଦାର ବଲ୍ଲଭଭାଇ ପଟେଲ ଅହମଦାବାଦ ବିମାନବନ୍ଦରରେ ଏୟାର ଇଣ୍ଡିଆର ଏକ ବିମାନ ଉଡ଼ାଣ ଭରିବା ସମୟରେ ଦୁର୍ଘଟଣାଗ୍ରସ୍ତ ହୋଇଛି। ପୁଲିସ ନିୟନ୍ତ୍ରଣ କକ୍ଷ ଅନୁସାରେ, ଏୟାର ଇଣ୍ଡିଆର ଫ୍ଲାଇଟ ଏଆଇ ୧୭୧ ଲଣ୍ଡନ ଅଭିମୁଖେ ଯାଉଥିଲା।

ଅମିତ ଶାହାଙ୍କ ସହ ଗୁଜରାଟ ମୁଖ୍ୟମନ୍ତ୍ରୀଙ୍କ କଥାବାର୍ତ୍ତା

ଦୁର୍ଘଟଣା ସ୍ଥଳରେ ଧୂଆଁର ଘନ ଗୁବାର ଦେଖାଯାଇପାରୁଛି, ଏବଂ ଅଗ୍ନିଶମ ଗାଡ଼ିଗୁଡ଼ିକ ଘଟଣାସ୍ଥଳରେ ପହଞ୍ଚିଛନ୍ତି। କେନ୍ଦ୍ରୀୟ ଗୃହମନ୍ତ୍ରୀ ଅମିତ ଶାହା ବିମାନ ଦୁର୍ଘଟଣା ଘଟଣା ସମ୍ପର୍କରେ ଗୁଜରାଟର ମୁଖ୍ୟମନ୍ତ୍ରୀ, ଗୃହମନ୍ତ୍ରୀ ଏବଂ ପୁଲିସ କମିଶନରଙ୍କ ସହ କଥାବାର୍ତ୍ତା କରିଛନ୍ତି। ସେ କେନ୍ଦ୍ର ସରକାରର ସହାୟତା ଯୋଗାଇବା ପାଇଁ ମଧ୍ୟ ଆଶ୍ୱାସନା ଦେଇଛନ୍ତି।

ବିମାନରେ ଥିଲେ ପୂର୍ବତନ ମୁଖ୍ୟମନ୍ତ୍ରୀ

ଅଧିକାରୀମାନେ ଘଟଣାର ତଦନ୍ତ ଆରମ୍ଭ କରିଛନ୍ତି। ସେମାନେ ଦୁର୍ଘଟଣାର କାରଣ ଜାଣିବା ପାଇଁ ଚେଷ୍ଟା କରୁଛନ୍ତି। ଏୟାର ଇଣ୍ଡିଆ ଏପର୍ଯ୍ୟନ୍ତ କୌଣସି ଆଧିକାରିକ ବୟାନ ଜାରି କରିନାହିଁ। ଅନ୍ୟପକ୍ଷରେ ମିଳିଥିବା ସୂଚନା ଅନୁସାରେ ଗୁଜୁରାଟର ପୂର୍ବତନ ମୁଖ୍ୟମନ୍ତ୍ରୀ ବିଜୟ ରୂପାଣୀ ଏହି ବିମାନରେ ଥିଲେ । ସେ ଗତ ୬ ମାସ ଧରି ଲଣ୍ଡନରେ ଥିବା ନିଜ ପତ୍ନୀଙ୍କୁ ଆଣିବା ପାଇଁ ସେଠାକୁ ଯାଉଥିଲେ ।